პირობები¶

ბოლო ცვლილება განხორციელდა 2024 წლის 26 აგვისტოს.

ჩვენი რესურსების გამოყენებით თქვენ ეთანხმებით ჩვენს პირობებს. პირობები მარტივია და სულ რამდენიმე წუთს წაგართმევთ.

რას გთავაზობთ¶

ჩვენ გთავაზობთ ინფორმაციას და გზამკვლევებს თქვენი ციფრული უსაფრთხოების გასაუმჯობესებლად, ეს ინფორმაცია მოიცავს ოპერაციული სისტემის უსაფრთხოების პარამეტრების გამართვას, მონაცემთა შიფრაციას და სხვა ინსტრუმენტების გამოყენებას, რომელიც თქვენი ფუნამენტალური უფლებების დაცვაში დაგეხმარებათ.

FOI დამოუკიდებელი ოპერაციაა, რომელიც ორიენტირებულია ცოდნის გაზიარებაზე და არა ფულის გამომუშავებაზე. FOI არ იღებს შემოსავალს საიტზე გაზიარებული ხელსაწყოებისგან და მისი ერთადერთი მიზანი თქვენი ციფრული უფლებების დაცვაში დახმარებაა.

ჩვენი მასალა¶

ყველაფერი, რასაც საიტზე ვაზიარებთ, შემოთავაზებულია "როგორც არის" (as-is). მიუხედავად იმისა, რომ ვცდილობთ ჩვენი გზამკვლევები იყოს მუდამ ზუსტი და განახლებული, მაინც ადამიანები ვართ, რომლებიც ხანდახან შეცდომებს უშვებენ და ვერ გავცემთ გარანტიას, რომ ყველაფერი, რასაც საიტზე ნახავთ, უშეცდომოა.

ჩვენ არ ვართ პასუხისმგებელი ზიანზე, რომელიც შეიძლება წარმოიშვას საიტზე არსებული ინსტრუქციების შესრულებით. საიტი გაძლევთ შესაძლებლობას, რომ თქვენი მონაცემები მუდამ თქვენს და მხოლოდ თქვენს ხელში იყოს - რაც იმას ნიშნავს, რომ პაროლების, შიფრაციის და აღდგენის გასაღებების ან/და სხვა მნიშვნელოვანი მონაცემების უსაფრთხოდ შენახვის პასუხისმგებლობაც სრულად თქვენზეა - სხვას თქვენი გასაღები ვერ ექნება და შესაბამისად, თუ მას დაკარგავთ, საკუთარი თავის გარდა ვერავინ დაგეხმარებათ.

რისკების შესამცირებლად, დაიხმარეთ მეგობრები, ექსპერტები, ადამიანები, ვისაც ენდობით. მნიშვნელოვანი მონაცემებისთვის შექმენით სარეზერვო ასლები.

რა შეიძლება შემოგვთავაზოთ თქვენ¶

შეამჩნიეთ შეცდომა? გაქვთ გაუმჯობესების იდეა? შემოგვიერთდით და შეიტანეთ წვლილი GitHub-ის მეშვეობით ან Matrix-ის საერთო ჩატში. ჩვენ ვაფასებთ თქვენს შენატანს - ეს დაგვეხმარება საიტის გაუმჯობესებაში ყველასთვის.

ვინ ვართ¶

საიტს ვმართავ მე, გიორგი ლუბარეცი, პროგრამული უზრუნველყოფის ინჟინერი და აქტივისტი.

საიტს ჰყავს მეგობრები:

მოძრაობა "სირცხვილია" - გვეხმარება მასალის გავრცელებაში, უზუსტობების აღმოჩენაში, მასალის ხელმისაწვდომობის გაუმჯობესებაში და გვამარაგებს ყავით.
Digital Defenders - ორგანიზაცია, რომელიც პროექტის დაწყებაში დაგვეხმარა.
ნებისმიერი ადამიანი, ვინც Github-ის მეშვეობით შეიტანს წვლილს.

მასალის გამოყენების წესები და ლიცენზია¶

გამოიყენეთ მასალა თავისუფლად, მაგრამ მიუთითეთ წყარო.
გაგვიზიარეთ თქვენი გამოცდილება და უკუკავშირი მასალის გამოყენების შესახებ.
თუ შექმნით დამატებით რესურსებს ჩვენს მასალაზე დაყრდნობით, გთხოვთ გაგვიზიაროთ, რათა სხვებმაც ისარგებლონ.

ლიცენზია¶

საიტზე განთავსებული კონტენტი, მათ შორის FOI-ს მიერ შექმნილი კოდი, აპლიკაციები და რეკომენდაციები სრულად ღიაა და ხელმისაწვდომია Github-ზე.

კონტენტი ლიცენზირებულია Creative Commons Attribution-NonCommercial-ShareAlike 4.0 International (CC BY-NC-SA 4.0) ლიცენზიით.

ეს ლიცენზია საშუალებას გაძლევთ:

გააზიაროთ — დააკოპიროთ და გაავრცელოთ მასალა ნებისმიერი მედიის ან ფორმატის საშუალებით
ადაპტირება — შეცვალოთ, გარდაქმნათ და დააშენოთ მასალას

შემდეგი პირობებით:

მითითება — თქვენ უნდა მიუთითოთ წყარო და მიუთითოთ, თუ ცვლილებები იქნა შეტანილი.
არაკომერციული — თქვენ არ შეგიძლიათ გამოიყენოთ მასალა კომერციული მიზნებისთვის წინასწარი ნებართვის გარეშე.
უცვლელი ლიცენზია — თუ თქვენ ცვლით, გარდაქმნით ან აშენებთ ამ მასალაზე, თქვენ უნდა გაავრცელოთ ის იმავე ლიცენზიით, როგორც ორიგინალი.

კომერციული გამოყენება¶

ლიცენზიის მიხედვით, კომერციული გამოყენება მოითხოვს წინასწარ ნებართვას.

FOI-ს პოზიცია¶

მიუხედავად ზემოთ აღნიშნულისა, FOI აცხადებს, რომ მასალების კომერციული მიზნებისთვის უნებართვოდ გამოყენება მხოლოდ ჯენტლმენური შეთანხმების დარღვევად ჩაითვლება. FOI იღებს ვალდებულებას, რომ არასდროს გაასაჩივრებს ამ პირობის დარღვევას და უარს ამბობს ამ უფლებაზე.

საიტის მიზანი საქართველოში ციფრული უსაფრთხოების გაუმჯობესებაა. ამიტომ ჩვენ მხოლოდ გაგვიხარდება, თუ ეს რესურსი ამის მიღწევაში დაგეხმარებათ.

შეთანხმება¶

საიტის გამოყენებით თქვენ ეთანხმებით ამ პირობებს, რაც მოიცავს იმას, რომ არ დაგვაკისრებთ პასუხისმგებლობას ნებისმიერ პრობლემაზე, რომელიც შეიძლება წარმოიშვას ჩვენი ინფორმაციის გამოყენების შედეგად.

კითხვებისთვის გვეწვიეთ Matrix-ის საერთო ჩატში

დახმარება