Skip to content

მრავალბიჯიანი აუთენტიფიკაცია

მრავალბიჯიანი აუთენტიფიკაცია (2FA / MFA) არის უსაფრთხოების დამატებითი ფენა, რომელიც მოითხოვს დამატებით ფაქტორს პაროლთან ერთად ანგარიშზე შესასვლელად.

მიუხედავად იმისა, რომ SMS-ზე დაფუძნებული 2FA ფართოდ გამოიყენება, ის არ არის რეკომენდებული უსაფრთხოების მიზეზების გამო. SMS-ის ნაკლოვანებები მოიცავს:

  1. მოწყვლადია SIM Swapping-ის მიმართ (მარტივად - სხვა იყენებს თქვენს ნომერს)
  2. SMS-ები არაა დაშიფრული და ხელმისაწვდომია მესამე პირებისთვის (მაგ. მობილური ოპერატორები, სახელმწიფო უწყებები, აპლიკაციები)

ნაცვლად ამისა, რეკომენდებულია აპლიკაციაზე დაფუძნებული აუთენტიფიკატორების გამოყენება.

წინასწარ შესასრულებელი ნაბიჯები

  • დააინსტალირეთ პაროლების მენეჯერი
    • ორბიჯიანი აპლიკაციის ანგარიშისთვის უნიკალური, ძლიერი პაროლის შესაქმნელად და შესანახად
    • ორბიჯიანი აპლიკაციის ანგარიშის აღდგენის გასაღების შესანახად

რეკომენდირებული აპლიკაცია

  • Ente Auth Ente Auth

    Ente Auth არის ღია წყაროს მქონე და უფასო 2FA კოდების გენერატორი, რომელშიც თქვენი მონაცემები დაშიფრულია თქვენი უნიკალური პაროლით და თქვენ გარდა არავის, მათ შორის, არც Ente-ს არ აქვს წვდომა.

ინსტალაცია და ანგარიშის შექმნა

ვიდეო მაგალითი

  1. გადმოწერეთ და დააყენეთ აპლიკაცია თქვენი მოწყობილობისთვის:

  2. გახსენეთ Ente Auth და შეიყვანეთ თქვენი ელექტრონული ფოსტა

  3. გახსენით Bitwarden და დაიწყეთ ახალი ჩანაწერის შექმნა.
  4. დაარქვით ჩანაწერს სახელი, მაგ. Ente Auth
  5. Username: შეიყვანეთ თქვენი ელექტრონული ფოსტა
  6. Password: დააკლიკეთ ღილაკს ახალი პაროლის გენერირებისთვის
  7. აირჩიეთ Password type: Password, Length: 30, დარწმუნდით, რომ ჩართულია A-Z, a-z, 0-9 და დააჭირეთ Select
  8. შეინახეთ ჩანაწერი Save ღილაკზე დაჭერით
  9. აირჩიეთ შექმნილი ჩანაწერი, დააჭირეთ ღილაკს და აირჩიეთ Copy Password
  10. დაბრუნდით Ente Auth აპლიკაციაში და ჩასვით დაკოპირებული პაროლი
  11. დააჭირეთ ღილაკს Create account
  12. ელ. ფოსტაზე მოსული კოდი შეიყვანეთ შესაბამის ველში

  13. შემდეგ ფანჯარაში გამოგიჩნდებათ Recovery key.

    Ente Auth-ში შენახული მონაცემები თქვენი პაროლითაა დაშიფრული, მისი შეცვლის ან აღდგენის მოთხოვნის შემთხვევაში, დაგჭირდებათ ამ სპეციალური კოდის შეყვანა. ეს კოდი მონაცემების აღდგენის ერთადერთი საშუალება იქნება.

  14. დააკოპირეთ მითითებული კოდი, დაბრუნდით Bitwarden-ში, დაიწყეთ ახალი ჩანაწერის შექმნა და დაარქვით სახელი, მაგ Ente Auth Recovery Key

  15. ჩასვით დაკოპირებული მონაცემი Password ველში და დააჭირეთ Save
  16. დაბრუნდით Ente Auth აპლიკაციაში, დააჭირეთ ღილაკს Continue
  17. ანგარიში შექმნილია

Ente Auth აუთენტიფიკაციის გამოყენება Google-ის ანგარიშის მაგალითზე

დემონსტრაციისთვის, Google-ის ანგარიშზე ჩავრთავთ Ente Auth-ით დამატებით აუთენტიფიკაციას.

  1. ლეპტოპის ბრაუზერით შედით გუგლის ანგარიშის უსაფრთხოების პარამეტრების გვერდზე
  2. აირჩიეთ 2-Step Verification
  3. აირჩიეთ Authenticator > Set up authenticator
  4. მობილურში, გახსენით Ente Auth და დააჭირეთ Scan a QR Code ან + ღილაკს
  5. დაასკანირეთ ბრაუზერში ნაჩვენები QR კოდი და დააჭირეთ Next
  6. შეიყვანეთ აპლიკაციაში მოცემული კოდი და დააჭირეთ Verify
  7. ბრაუზერში, დააჭირეთ Turn on 2-Step Verification > Turn on > Turn on 2-Step Verification

ლეპტოპის ბრაუზერში, იმავე გვერდზე აუცილებლად გათიშეთ ყველა სხვა მეთოდით დამატებითი აუთენტიფიკაცია და დატოვეთ მხოლოდ Authenticator, რომელიც ახლა დავაყენეთ.

ყველაზე სუსტი რგოლის მეთოდი

გახსოვდეთ: თქვენი უსაფრთხოების დონე განისაზღვრება ყველაზე სუსტი მეთოდით.

მაგალითი: თუ Ente Auth-თან ერთად ანგარიშის დასაცავად ორბიჯიანი აუთენტიფიკაციისთვის SMS-საც იყენებთ, მაშინ თქვენი საერთო უსაფრთხოების დონე SMS-ის (ძალიან სუსტი) უსაფრთხოების დონემდე მცირდება.

რეკომენდაციები

  • გამოიყენეთ მხოლოდ მობილური აპლიკაცია და Ente Auth არ დააყენოთ ლეპტოპზე
  • სერვისებზე ერთადერთ ორბიჯიან აუთენტიფიკაციად გამოიყენეთ Ente Auth, ყველა სხვა (მაგ. მეილი, SMS) გათიშეთ

შემდეგი ნაბიჯები

  • ყველა მნიშვნელოვან ანგარიშზე ჩართეთ მრავალბიჯიანი აუთენტიფიკაცია და ერთადერთ საშუალებად აირჩიეთ Ente Auth / Authenticator, გათიშეთ SMS და ყველა სხვა მეთოდი.
  • აირჩიეთ თქვენი Desktop ოპერაციული სისტემა და გააგრძელეთ მისი გამართვით:
დახმარება